ജനതാദള് വീരേന്ദ്രകുമാര് വിഭാഗം നേതാവ് എം വി ശ്രേയാംസ് കുമാറിന്റെ വയനാട് മീനങ്ങാടി കൃഷ്ണഗിരിയിലുള്ള ഭൂമി സി പി എം അറിവോടെ ആദിവാസികള് കൈയേറി. ഇവിടുള്ള ശ്രേയാംസ്കുമാറിന്റെ ഭൂമി റവന്യൂ ഭൂമിയാണെന്ന് ആരോപിച്ചാണ് സ്ഥലം കൈയേറി കുടില് കെട്ടുന്നത്.
സിപിഎം അനുകൂല സംഘടനയായ എ കെ എസ്സിന്റെ നേതൃത്വത്തിലാണ് മുപ്പതോളം ആദിവാസി കുടുംബങ്ങളുടെ കൈയേറ്റം. കഴിഞ്ഞയാഴ്ച ചേര്ന്ന ആദിവാസി ക്ഷേമ സഭ ജില്ലാ സമ്മേളനത്തിലാണ് ശ്രേയാംസ് കുമാറിന്റെ സ്ഥലം കൈയേറാനുള്ള തീരുമാനം ഉണ്ടായത്.
ഇതു സംബന്ധിച്ച് ഹൈക്കോടതി ഉത്തരവുണ്ടെന്നാണ് കൈയേറ്റക്കാരുടെ പക്ഷം. സംസ്ഥാനത്ത് കൈയേറ്റമൊഴിപ്പിക്കല് വിഷയം തകൃതിയായി നടന്നു കൊണ്ടിരിക്കുന്ന സാഹചര്യത്തിലാണ് മുന്നണിയില് നിന്ന് വിട്ടുപോയ വീരേന്ദ്രകുമാറിനെതിരെ സി പി എം നീക്കം നടത്തുന്നത്.